Horus Repairمحلّك كبر على الدفتر.
هاتله نظام تشغيل حقيقي.
الاستلام والتصليح وقطع الغيار والفلوس والفنيين ورسايل العملاء — كلها من شاشة واحدة. الحساب بيقفل مظبوط كل ليلة، وانت متفرّغ للعميل اللي قدامك.
- 01كل العمليات على بورد واحد — مفيش حاجة بتضيع
- 02تقفيلة كل ليلة تظبط لآخر جنيه
- 03رسايل العملاء بتتجهّز لوحدها
40 جهاز على المكتب. اليوم ده عشته قبل كده؟
تلات عملاء على التليفون بيسألوا «خلص ولا لسه؟». وفني متأكد إنه خلّص السامسونج — وانت مش لاقيه. المحل كبر… والدفتر فضل زي ما هو.
إيه اللي هيتغير من أول يوم
مش قايمة مميزات طويلة — دي 6 حاجات هتحس بيها من أول أسبوع من غير دفتر.
التليفون بيبطل يرن
كل تغيير في الحالة بيجهّز رسالة واتساب جاهزة — الموظف يبعتها وخلاص. وكل إيصال عليه QR لصفحة متابعة محمية برقم العميل.
بتعرف النهارده عملت كام
المصنعية وقطع الغيار متفصلين في كل عملية. العربون والآجل وسلف الفنيين كلها متسجلة — وتقفيلة يومية على الساعة اللي تحددها.
مفيش عملية بتضيع
مسار بيمشي لقدّام بس: استلام ← تنفيذ ← اختبار ← تسليم. وكل تغيير متسجل على تايم لاين العملية.
مخزون بيظبط مع نفسه
مخزون بالحركة: شراء داخل، تصليح خارج، مرتجع راجع. الموجود عندك هو مجموع الحركات — مش رقم حد كتبه بإيده.
كل فني محاسب على شغله
حسابات بالدعوة، ورديات وحضور وانصراف، الفني بياخد العملية بنفسه، والعمولة على المصنعية المتحصّلة بس.
جاهز لأكتر من فرع
شغّل كل فروعك تحت حساب واحد: كل فرع عملياته وفنييه، وصاحب المحل شايف الكل، والعملاء والمخزون مشتركين.
مسار واحد — من «اتفضل» لحد التسليم
المحل كله ماشي على نفس الـ 7 خطوات، فالموظف الجديد بيشتغل زيك بالظبط.
- 01العميلرقم صح، وإلا مفيش عملية
- 02الجهازموديل وحالة وصور
- 03العمليةالمشكلة والسعر المبدئي
- 04الفنيبياخدها بنفسه
- 05القطعبتتخصم من المخزون
- 06الدفعكاش أو انستاباي أو آجل
- 07التسليمالعملية بتتقفل
اتبنى لمحلّك من الأساس — مش متعرّب بعدين
كل برامج الصيانة التانية اتكتبت بالإنجليزي وبالدولار، وبعدين اتحطّ عليها عربي. Horus Repair اتعمل بالعكس.
عربي أصلي — يمين لشمال بجد
كل شاشة وإيصال ورسالة بتتقرا من اليمين للشمال من أول يوم — مش نسخة مقلوبة اتعملت في الآخر. والإنجليزي الكامل على بعد ضغطة.
بالجنيه — وبتوقيت القاهرة
الأسعار والعرابين والآجل والتقفيلة كلها بالجنيه. ويوم الشغل بيستحمل يعدّي بعد نص الليل — عشان محلك برضه بيسهر.
شغال وسط زحمة المحل
مصمم للموبايل وبإيد واحدة على الكاونتر. زرار «عملية جديدة» في كل شاشة، ولوحة أوامر Ctrl-K — بتسجّل الجهاز والعميل لسه واقف قدامك.
مؤمّن من الأساس
كل صفحة بتسجيل دخول، وشاشات الفلوس للمدير وفوق، والسجلات بتتأرشف — عمرها ما بتتمسح. الاستثناء الوحيد: صفحة متابعة العميل، ومحمية برقم موبايله.
أنا مدرستش المجال ده. أنا اتربيت فيه.
من وأنا عندي 15 سنة وأنا شغال في محلات الموبايل — على كاونتر البيع، وعلى بنش السوفتوير، وعلى بنش الهاردوير. اشتغلت في محلات كتير، ولقيت نفس القصة في كل مكان: قطع غيار بتختفي من الأدراج، وعمولات بتتحسب من الذاكرة، وجهاز خلص تصليحه ومفيش رقم تليفون مكتوب في أي مكان.
والأنظمة اللي ماسكة الدنيا؟ دفتر، وشيت إكسل محدش عايز يفتحه، وبرنامج حسابات متحمّل شغل مش شغله. محدش كان بيعمل سوفتوير للصنعة دي. واللي شفته بعيني: المحلات اللي الناس بترجع لها مش اللي إعلاناتها أحلى — دي اللي الكاونتر فيها فاضي ليك.
أحسن تسويق مش إعلان. أحسن تسويق هو عميل عارف جهازه فين وواصل لحد فين — وبيرجع تاني.
أسئلة أصحاب المحلات بيسألوها
حط محلّك على السكة
احجز شرح على مقاس طريقة شغلك — ونمشي معاك في أول أسبوع.